Samen: Remmerstok der 11e januwari twiedoezend en veertien
Samen: Veer ’t neugetiende Prinsepaar oet ut Durchduujerkes riek proclamere hiebie ut volgende:
Roel: Ten irste
Ich Prins Roel d’r ierste bin d’r jongste zoon van ’t Judith va Terlinge en d’r Hans out Euverem en ’t breurke van d’r Sen.
Julie: Ten Twiede
Ich, Prinses Julie de ierste, bin de dochter van ’t Anjo oet Segietere en dur Jean-Pierre va Terlinge. Mienge groete broor is dur Thijs.
Roel: Ten Driede
Ich bin dur veerde prins van de Durchduujerkes dè op Terlinge woent.
Hoapelik ooch nog lang neet d’r litste.
Julie: Ten Veerde
Ich bin de veerde prinses van de Durchduujerkes die op Terlinge woent. Samen mit d’r Roel bezurgen veer de Joankheid och dit joar wear get extra werk. Ver zulle wael zurge dat ze good verzurg were en neet druuch komme te sjtoa .
Roel: Ten Viefde
Ich vin het leuk om mit miene pap noa Roda te goan. Ich speal Bugel en hoap volgend jaor mit te bloaze in de fanfare. Och handbal ich bie Adio en zeuk ich nog andere jongens die mit willen handballen.
Julie: Ten Zesde
Mienge hobby is danse bie Jump, danse veur der playstation en danse op de buhn mit carnaval.
Zinge doa ich och geer. Zieker mit inge nuje schlager.
Roel: Ten Zievende
Ich hub bie miene broor gezie wie geweldig het is om dur prins van de Durchuujerkes te moge zie. ’t Woar dus veur mich ’n groete verrassing dat ich dur nuuje prins zou wurre en zeker mit mie buurmeidsje oe ich elke dag mit noa schoel fiets. Doa hubbe os mama’s altied van gedreumt.
Julie: Ten Achste
Ut moes bienoa zoe zie dat ich prinses zou wurre want ich bin in dur 11 moand jörig, ich bin toen 11 jaor gewoare, ich woen op hoesnummer 11 en huj is het och nog dur 11de
Roel: Ten Neugende
Prinses Julie en ich goan al joare same mit dur groep va Terlinge mit in d’r carnavalsoptoch van Remmerstok. Dit joar is dan och hiel speciaal dat veer als prinsenpaar boven op dur prinsenwaage moge stoa
Julie: Ten Tieende
Er zal dizze carnaval veul gedans gaon wurre dus och opa Michel en opa Giel zullen dur an motte geleuve om same mit hun kleindochter veurop in dur polonaise te goa.
Samen: Ten Ilfde en letste
Roel: Ich Prins Roel der ierste
Julie: Ich Prinses Julie de ierste
Samen: Wunsche dat veer same mit alle luuj van Terlinge en Rimmersjtok hiel veul sjpas en plezeer moge hubbe, zoedat dit veur os allemoal wer eng onvergetelijke carnaval wurd
Roel: Prinses Julie de ierste Alaaf
Julie: Prins Roel der ierste Alaaf
Samen: Remmerstok en Terlinge Alaaf